PENTELORES Vestes

PENTELORES Vestes

qpud Flav. Vopisc. in Aureliano, c. 46. Paragaudas vestes ipse primus militibus dedit, quum antenon nisi rectas purpureas accepissent, et quidem aliis monolores, aliis dilores, trilores aliis, et usque ad pentelores, quales hodie lineae sunt. Vox hybrida, ex Graec. πέντε i. e. quinque et Latin. lorum: Quemadmodum Salmas. vult Holoveram vestem similiter conflatam esse ex Graec. ὅλος et Latin. verus. Sic Epitogium et Epirhedium, bonô etiam purôque saeculô et cui nihil dum erat admixtum barbariae usurpata et Pfeudoforem pro pseudothyro, Severus Sulpiciuselegans alias Scriptor usurpavit Dialog. 3. c. 16. etc. Dictae autem sunt interulae seu tunicae dilores, trilores, Pentelores, non pro numero aureorum, quibus erant intextae, ut censebat magnus IC. sed pro numero fasciarum vel institarum et limborum, quibus erant ornatae. Lora enim institutae sunt, vel fasciae, quibus vestes praetexuntur, quas et paragaudas dixêre: nam lorum et paragauda idem. Unde paragaudia vestis et lorata, quam Graeci Λωρωτὴν dixêre eadem. A multitudine igitur pannorum, vel fasciarum et lororum (quae erant in vestibus ultimae fimbriae modo latae, modo rotundae modo cirratim dependentes) vestes dilores, trilores etc. dictae sunt. Et monolores quidem, qut ad sum mum dilores, Veterib. fuisse notas, quae nempe unam vel duas zonas in circuitum haberent praetextas vel adtextas, ex Horatio discimus; l. de Arte, v. 15.

Purpureus late qui splendeat, unus et alter

Adsuitur pannus:

Ubi pannum fasciam esse vel zonam, quâ vestis ornabatur, supra diximus. Deinde trilores quoque et pentelores, crescente luxu, factae sunt. Nondum tamen sub Gallieno et Aureliano in usu lineae loratae videntur, sed tunicae tantum. Post eorum vero tempora lineas et interulas etiam loris multis variegarunt, et frequentius quidem quam tunicas, ita ut et quinqueroles fierent. Nam tales fuisse lineas suô tempore, scribit loc. cit. Vopiscus: Hincque idem in Bonoso, c. 15. in brevi munerum, quae

Hunilae novae nuptae dantur, dilorium interularum meminit, non item tunicarum; sed Bonosus ille sub Aureliano vixit et munera illa ex praecepto Aureliani data. Iam tum igitur Aureliani temporibus lineae in usu, sed dilores fere tantum, non etiam pentelores, quo iam usque processerunt Vopisci aetate. Hodie vero, addit Salmas. mulieres non pentelores tantum vestes gestant, sed usque ad cingulum loratas et zonis sericis h. e. paragaudis distinctas: ita nullâ re aliâ, quam luxu, Veteres vicimus, vide eum ad d. l. et supra ubi de vestibus Loratis.